حيا الله اللي يغيب ويسرع الرّده
اللي يجيني الى منه تباطاني
قلبي يوده وحالي كنه القده
ودي بشوفه ودونه حوم عقباني
ياصاحبي جارك الله ويش هالصده
مهو بحق تولعني وتنساني
ان كان عندك حكي بي خامل السده
فانت المصدق وانا حقي وما جاني
اهرج على ما تورّى والبخت بده
لا تستحي يا بعد حيي وحياني
ترى حلا ة الهوى لا طالت المدة
مهوب يوم صديق ويوم قوماني
وان كان ما انته مصافيني على الشده
وقت الرخا واجدن ربعي وخلاني
تسلم يا بو أحمد
ردحذفنشيد جميل جدا الله يعطيك العافية
ردحذف